Sukaldaritza tailerra egin dute egitura gelan! - CP Virgen Blanca IP - Ikasnova

Ikasturte honetan, Egitura Espezifikoko ikasleok tailer berri bat dugu: sukaldaritza-tailerra. Hori gauzatu ahal izateko, txoko bat sortu dugu gure gelan. Tailer horri esker, besteak beste:

Sukaldea garapen integrala lortzeko tresna gisa erabiltzen dugu, eguneroko bizitzako trebetasunetan autonomia bultzatuz.

Curriculumaren oinarrizko jakintza ugari modu konpetentean lantzen ditugu.

Ikasgelan eta ikastetxeko beste talde batzuekin talde-lana bultzatzen dugu.

Duela bi aste gure lehen errezeta egin genuen arren (fruta brotxetak txokolate urtuarekin), aste honetan sukaldeko mantalak jantzi eta chef handi bihurtu gara. Halloween dela eta, armiarma beldurgarriak egin ditugu galleta, lakasito eta erregalizekin.

Hala ere, lanari ekin ahal izateko, ikasi eta beste lan batzuk egin behar izan ditugu. Adibidez, errezetak egiteko beharko genituzkeen tresnei buruzko hiztegia ikasi genuen, eta gero, erostera joan ginen.

Errezeta hau egiteko, aldez aurretik dendei buruzko hiztegia landu behar izan genuen, hala nola supermerkatuari eta dagozkion lanbideei buruzkoa. Ondoren, irteera bat egin genuen Uharten supermerkatu desberdinak identifikatzeko eta bilatzeko, eta horrela ezagutzen dugu inguratzen gaituen ingurunea.

Beste egun batean, errezeta landu genuen eta jarraitu beharreko urratsak zehaztu genituen piktogramen laguntzarekin. Erosketa-zerrenda ere egin genuen, eta errezeta egiteko behar ziren osagaiak erostera joan ginen. 

Jarduera honen bidez gauza asko lantzen ditugu, baina... badakizue zein izan den hoberena?... Armiarmak bazkaltzea!

Argazki batzuk erantsi dizkizuegu, zein itxura ona zuten ikus dezazuen.

Egitura espezifikoko ikasleak

1.  
2.  
3.  
4.  
5.  
6.  
7.